Narrazioak eta olerkiak : R. Mª Azkue saria 2019 / [antolatzaileak, Bilbao Bizkaia Kutxa Fundazioa, Euskaltzaindia ; testuen hizkuntza-orrazketa, Euskaltzaindiaren Hizkuntza Kalitatearen Behatokia (HIZBEA)]

Bilbao Bizkaia Kutxa Fundazioak eta Euskaltzaindiak deitutako 2019ko R. Mª Azkue sarietan irabazle izandako narrazioak eta olerkiak batu dira liburu honetan. Deialdian partaidetza-maila bi bereizi ziren, adinaren arabera: A maila, 2006, 2007, 2008 eta 2009an jaiotakoak; eta B maila, 2002, 2003, 2004 eta 2005ean jaiotakoak. Literatura generoari dagokionez, batetik, narrazio lanak eta, bestetik, olerkiak eskatu ziren maila bakoitzerako. Lehiaketa eta liburu honekin, Bilbao Bizkaia Kutxa Fundazioak eta Euskaltzaindiak euskal eskola-umeak literaturgintzara bultzatzeaz gainera, euren artean irakurketa indartzea dute helburu nagusi.