Hitzak ebakitzean (Poemak I) / Luis Mari Mujika

HITZAK EBAKITZEAN (Poemak, I) liburu honekin Mujikaren nortasun poetikoa berragertzen zaigu. Eta berrafertu diogu zeren eta izan ere hamar urte luze iraun duen isilune baten ondoren datorkigu gaur. BIDE GIROAK eta URDIN ETA BURNI bere bi poema liburuak, gure artean ez dira agian hain ezagunak eta hori horrela bada azken hamar urte hauetan Euskal Literaturen Historian eman diren zenbait arazoengatik izan da, hala nola Mujikaren liburuak argitaratutakoan Arestiren poemagintzak zuen toki exklusiboa eta arrakasta handia eta Mujikaren poemagintzan bertan agertzen ziren zenbait joerengatik (sinbolismoa, etab.) HITZAK EBAKITZEAN poema bildumarekin, esteta zuhur eta prezitsu den Mujika datorkigu berriro, bere aurreko liburuetan oinharrituriko bere nortasun poetikoa finkatuz eta gure poemagintzaren bide berrial areagotuz. Agian, G. Arestik alde batetik eta M. Lasak bestetik urratu dituzten bi bide desberdin eta joera berezien arteko zubi giza bat genuke Mujikaren poemagintza.