Bertsuaren eremua / Fermin Mihura bat-bateko bertsuak eta idatziak (1987-2013)

Bat-bateko bertsularitza. Ikusiz jendeek poz harten dutela guk moldatuko bertsuekin, nolazpait neuk ere parte hartzen dut giroaren berotasun hortan, eta diot hortako bereko balio duela bertsulari izaitea. Bertsularitza berekin izpiritu bat badauka, edo filosofia bat. Hontan ongi egin nahiz indar egiteak satisfamendu haundiak ekartzen ditu entrenamenduan berean. Eta ez da bakarrik edo baitezpada ondorioa edo kalitate maila konda. Bertsulari bezala ez bada, bertsuzale bezala bederen, gozatzen gare eta horrek niretzat anitz munta du, batere urrunago joan gabe ere. Indar egin gabe ez baita abantzatzen, gutien bat eskatu behar zaiote gazte horieri, baina gero nere ustez eskolako lanean baino anitz libroago utzi, bakotxak bere neurria har dezan.