Risveglio : museoan itzartzea / Mikel Eskauriazaren argazki-sail bat ; Asier Mendizabal eta Miren Jaioren testuekin ; [itzulpena, Aiora Jaka]

Bulegoa z/b ekimenak Museoko denbora husteko eta betetzeko obra batzuk izeneko topaketa-programa burutu zuen 2018 eta 2019 artean Bilboko Arte Ederren museoan. Geroago, -zko argitaletxeak gonbidapen bat luzatu zien Mikel Eskauriaza, Asier Mendizabal eta Miren Jaiori, topaketa haietarako sorturiko materialen edizioan lan egin zezaten, eta lan horren fruitua da hain zuzen argitalpen hau. Liburuak "Risveglio. Museoan itzartzea", 1990 (1990-2018) seriearen handiagotze bat eta Asier Mendizabalek emandako hitzaldiaren bertsio berrikusia jasotzen ditu -biak ala biak museoko auditoriumean aurkeztu ziren lehen aldiz publikoaren aurrean, 2019ko martxoaren 19an egin zen topaketan-, baita Miren Jaiok argitalpen honetarako berariaz idatziriko testu bat ere. Euskal Herriko Unibertsitateko Leioako campuseko Arte Ederretako ikasle-talde batek 1990eko urtarrilean Bilboko Arte Ederren Museoa okupatzeko egindako ekintza dokumentatzen du Eskauriazaren argazki-sailak. 11 egunez, ikasleak museoan bizi izan ziren, bertan janez eta lo eginez. Liburu hau Madrilgo Brizzolis inprimategian gauzatu da, 90 gramoko Munken Print White 2.0 eta 135 gramoko Gardapat 13 Kiara paperean, Walbaum eta Baskerville letra-tipoak erabiliz, 2020. urtean. Liburu honekin,-zko argitaletxeak Apus apus argitalpen-lerroa abiarazi du.