Juan Garmendia Larrañagaren hiztegi etnografikoa [CD-ROM] / [edukiaren garapena] Juan Garmendia Larrañaga, Xabier Mendiguren Bereziartu

Hiztegi etnografiko honen jatorria, duela mende erdi bat baino gehiago, Juan Garmendia Larrañagak Euskal Herria zehar egiten hasi zen ikerketan dago. Ordu luzeak eman zituen Tolosako etnografoak era asko eta desberdinetako gaiei buruz lekukotasunak jasotzen. Juan Garmendia Larrañagak eta Xabier Mendiguren Bereziartuk, ordu arte lehendabizikoak argitaratutako liburu guztian banan-banan miatu eta hiztegi etnografikoa osatzeari ekin zioten. Ondoren, Ikastolen Elkartearen esku geratu zen proiektua. Bere lantalde eta adituen bitartez burutu dira egokitze eta osatze-lanak. CD-ROMa lau atal hauez osatua dago: atarikoa, 9 gai monografiko (burdigintza, inauteriak, neguko festak, udako solstizioa, jentilak, sorgin-kontuak, herri-medikuntza, heriotza eta beste ohitura batzuk, xisteragintza), hiztegi etnografikoa (atal honek du garrantzi handiena, 2.500 sarrera ditu), eta bideoak (Jose Iturbe aizkoragilearen grabazioa, Ezkio; Joxe Manuel Agirre danbolingilearen grabazioa, Tolosa; Juan eta Daniel Bertiz kaikugileen grabazioa, Sunbilla; Juan Zabaleta otargileren grabazioa, Nuarbe)