Koplariak [Soinu-grabazioa] / Korrontzi & Xabier Amuriza

Korrontzik, DJ Makalarekin elkarlanean, musika herrikoia eta elektronikoa uztartu zituen "Topa-K" disko arrakastatsuan (Elkar 2019). 2020an, berriz, oso bestelako lanarekin datorkigu: "Koplariak". Taldearen hamargarren disko hau Agus Barandiaranen (Korrontzi) eta Xabier Amurizaren arteko lankidetzaren fruitua da. Orain dela hamasei urte sortu zenetik, mundu zabalean tradizio oso baten erakusleiho bilakatu da Korrontzi. Izan ere, euskara, euskal dantza eta musika mundu osoko jaialdietan ezagutzera eman ditu. "Koplariak" lanarekin sustraietara bueltatzen da, koplagintzari musika herrikoian duen garrantzia emanez.