Munduaren amaierako kalea / Patxi Ezkiaga Lasa

Europa modernitatera jaiotzen ari zen garaian kokatuta dago Patxi Ezkiagaren nobela eder hau. Mamitsua, liluragarria, hasieratik murgiltzen gaitu orduko zurrunbiloaren erraietan. Sineskeriaz eta itxaropenez betetako kontakizun milenarista honetan eskutik agertuko dira indarkeria eta maitasuna, traizioa eta leialtasuna, urrutiko mende haietan bakarrik eman zitekieen sinbiosian. Idazleak nahastu egiten ditu pertsonaia historikoak eta asmatutakoak, baina guztien oinarrian ikerketa historiko sakon eta luzea antematen da, nobelari benetako sinesgarritasuna ematen diona. Gotzainak eta Erdi Aroaren azken hamarkadetako fraticelli dolcinitak, geroko Erreforma eta Kontrarreforma, sua, srraskiak, epaiketak eta ziegak, itsasoa eta mendia: horiexek izango dira liburua alderik alde betetzen duten bi amodio historien kontrapuntua.