Geure ipuinak / Xabier Etxaniz Erleren edizioa ; azala eta marrazkiak, Jokin Mitxelena

Mundua gure artean, edo Atxagak erdaraz argitaratu den euskal herri ipuinen bilduma batean zioen bezala, "betiko ipuinak, leku guztietakoak, baina euskaraz", horixe da liburu honetan bildu nahi izan duguna. Euskalki ezberdinetan zeuden ipuin hauek euskara batuan jarri ditugu, baina hori bai, jatorrizko euskararen freskotasuna, aberastasuna eta edertasuna ahalik eta ongien gordez. Horrela, gure asmoa izan da Gernikako irakurlea, Bakaikoakoa, Baionakoa eta Debakoa bezain gustura sentitzea ipuin hauek irakurtzean. Gure asmoa, ipuin bilduma hau egiterakoan, geure literaturaren altxor hau eskuragarri jartzea izan da. Eta guk gozatu dugun bezala zuk zeuk, irakurle, goza dezazun gure herriko kontakizun zoragarri hauekin.