Tene Lehiaketa 1995 / Debako Udala
"Etxerako bidea", Txiliku zarauztarrak idatzi eta Tene lehiaketa honetako lehen saria irabazi duen ipuinak gerra garaiko pasadizo hunkigarri bat kontatzen digu hizkera doitu eta jasoaz, pausoz pauso klimaxera iritsi arte, erregistro eta hari-mataza ezberdinak erabiliz, denetan ere fintasun eta sentiberatasun bera erakutsiz. Antton Luku ezterenzubiarrak "Sarez" ipuinean literaturtasun handiz erabili du berez balio etnografikoa ere baduen kontagaia; Baxenabarreko hizkeraren gostu eta zapore berezia ere azpimarratu behar da, bukaeraren indar alegoriko handiarekin batean. "Roberto eta Juana", Galder Guenagaren istorioak dohain ugari ageri ditu: kontaeraren indarra, azken kkolpearen maisutasuna, euskararen txukuntasun eta kolorea. 18 urtetik beherakoen akzesitak bi hauek eskuratu dituzte: Maialen Zubeldiak "Lasaitasunera bidean" lazgarriarekin eta Eneko Aranburuk "Soineko gorridun ile-horia" umoretsuarekin.
Zerrenda:
