Bideko hitza : euskal poema modernoen antologia (1951-2019) / [hautaketa eta hitzaurrea] Juanjo Olasagarre

Bikainen artean aukeratu ditugu bilduma honetako liburukietan batu ditugun lanak, gure literaturaren kanona zehazten duten hainbat testuren gordailu gisa. Antologia honetan, bere irakurketetan aurkitutako hitzak bildu nahi izan ditu egileak: hitz horiek poesia generokoak izatea dute amankomunean. Denok dakigun bezala, asko irakurtzen ez den generoa da poesiarena, zenbait arrazoiren artean zeinua eta esanahia bata bestetik gero eta gehiago urrunarazi baitituzte egileek zein ildo historikoek. Hori dela eta, esanahi argia eta garbia ez ezik, musikalitatea ere baduten poemak bilatu dira, poema antologia honen helburua irakurlea poesia irakurtzera zaletzea da eta. Hautaketa egitean, irizpidea ez da izan euskal poesia modernoaren puntako poetak batzea, antologiagileak gustuko izan dituen poemak biltzea baizik; beraz, azken horiei eman zaie lehentasuna egileen gainetik. Hala ere, liburu honetan jasotzen diren ia ehun poema horietan denetarik topatuko du irakurleak, eta argi geratuko zaio gure poesiaren bilakaera 1951tik gaur egunera arte bildutako poema hauetan.