Ikasleek etxetik on-line lan egiteko materialen bilduma: [Interneteko baliabidea] haur eta gazteentzako literatura: aukeraketa bat / egilea, EIMA Katalogoa

Oraingo honetan, bestelako proposamen batekin gatoz: haur eta gazteentzako literaturaren inguruko gomendio batzuk dakarzkizuegu. Liburutegiak, eskolak eta liburu-dendak itxita badaude ere, laster irekiko dira eta liburuak eskuratzeko aukera izango dugu berriro. Abenturak, adiskidetasuna, fantasia, misterioa, maitasuna... dira aukeratu ditugun gaietako batzuk, eta gure katalogoan bilatu ditugu horien inguruko hainbat eleberri eta ipuin. Irakurleen gutxi gorabeherako adina ere kontuan hartu dugu sailkapen hau egiteko orduan. Zerrenda hau baliagarri izango zaizuelakoan gaude, eta espero dugu laster liburu horiek zuen ikasleek irakurtzeko aukera izango dutela.