Nire haurdunaldiaren egunerokoa / [euskarazko itzulpena, Peru Calabaza Saban]

Haurdunaldia bederatzi hilabeteko aldaketa da, fisikoa, hormonala, emozionala, bitala, sexuala, soziala, eta bururatzen zaizun guztiarena. Bederatzi hilabete oso luzeak egiten dira baina ziztu bizian igarotzen dira, gozatu eta sufritu egiten duzu; badakizu nolakoak izango diren baina azkenean ez dira espero zenituen bezalakoak... Zenbat kontraesan! Betiko gordetzea merezi duten bederatzi hilabete dira. Ze, behin amaitutakoan... zera, orduan datorrena hain da handia ezen dena ahaztuaraziko baitizu. Eta ez, hardunaldia ez da ahazteko moduko aldia. Eguneroko honetan dena gogorarazteko moduko espazioa dago: ona, txarra eta hala-holakoa, aspergarria eta dibertigarria; serioa eta arina; politikoki zuzena eta... baina hori jada barnealdean ikusi beharko duzu. Goza ezazu "Nire haurdunaldiaren egunerokoarekin": eguneroko errealista, samurra, baina batere, batere txepela ez dena.