Euskal sufijazioaren kutxa : euskal aurrizki, artizki eta atzizkien adierazpena / Jon Urruxulegi

Egileak sufijazioaren eremu zabala bezain interesgarria jorratu du liburu honetan. Urteak eraman dizkio lana burutzeak, baina azkenean hona hemen fruitu oparo eta didaktikoa. Euskara ikasten hasten dena, berehalaxe konturatzen da gure hizkuntzan sufijazioak duen garrantziaz. Hizkuntza aglutinante edo eranskaria izanik, euskarak ahalmen endogeno nabarmena du neologismoak edo hitz berriak sortzeko, beste hizkuntzetatik maileguak jaso gabe behar berriei aurre egiteko. Sufijazio edo eratorpenaren bidez, hizkuntza era nabarmenean aberasteaz gainera, kontzeptuak zehazki adierazteko gaitasuna eskuratzen digu, hizkuntza finkatzeko eta eraberritzeko, ñabardura semantikoen ugaritasuna zehazteko. Hitz batean, hizkuntzaren garapena irmoki bermatzeko.