Irakasle alu bat / Xabier Mendiguren

" Ez zait sekula ahaztuko irakasle alu hura. Alua zen, bai. Alua eta kabroia, eta putasemea. Gehiegikerian ari naizela pentsa lezake baten batek, pasatu egin naizela. Hala uste duenak ez zuen Txintxeta ezagutu, ez daki oso ondo nolakoa zen alu hura. Txintxeta... Izena oroitze hutsarkin sutan jartzen zait oraindik ere barrena. Hainbat oroitzapen, hainbat pasadizo etortzen zaizkit gogora, denak batera, elkarri tokia egin ezinda... Azterketen greba, Panda eta Txusmiri egindakoa, kotxearena, haren ondorengoak... Gehiegi ari naiz aurreratzen ordea. Hobe izango dut, gauzak izan ziren bezala kontatzekotan, pausoz pauso ibiltzea, dena banan-banan azaltzea".