Ekuazio diferentzialak erabiliz modelatzen diren ingeniaritzako fenomenoak : Mathematica programaren bidezko ebazpena / María Josefa González Gómez, Elisabete Alberdi Celaya

Eredu matematiko bat sistema edo gertakari bat deskribatzeko balio duen tresna da. Zientzia, ingeniaritza, ekonomia, etab. esparrutan gertatzen diren fenomenoak deskribatzeko eredu matematiko bat erabiltzen denean ohikoa da ekuazio diferentzialak agertzea. Ekuazio diferentzialetan funtzio ezezagun baten deribatuak agertzen dira, eta helburua izaten da ekuazioa betetzen duen funtzioa aurkitzea. Ekuazio diferentziala arrunta da aldagai bakarraren menpeko funtzio bat emaitzatzat duenean, hau da, ekuazioan deribatu arruntak ageri direnean. Lan honetan, ekuazio diferentzial arrunten soluzio analitikoak eta zenbakizko soluzioak aurkitzeko zenbait teknika aurkezten dira. Jarraitu beharreko prozedurak eskuz zein ordenagailuz nola egin azaltzen da. Ordenagailu bidezko ebazpenerako Wolfram Mathematica softwarea aukeratu da, kalkulurako eta programaziorako ingurune interaktiboa. Liburuaren egiturari dagokionez, bi atal ezberdindu daitezke. Lehenengo atalean ekuazio diferentzial arrunten alderdi teorikoa landu da. Beraien sailkapena egin da eta ebazpenerako zenbait metodo azaldu dira. Bigarren atalean, gertakari edo fenomeno ezberdinen eredugintza aurkezten da, eta ekuazio diferentzialen bidez emandako ingeniaritzako zenbait problema lantzen dira.