Hamalau / Xabier Mendiguren

Harroputzak bezala, Oteizaren harriak bezala edo heriotzen kopurua bezala, hamalau dira Xabier Mendigurenek helduentzako bere bigarren narrazio liburu honetara bildutako ipuinak, zazpi labur eta zazpi luzeago, kontaeraz anitzak eta teknikaz desberdinak, gehien-gehienak 88-89 urteetan idatziak. Hemen ere maitasun kontuak nagusi, eta horiekin batera beste zenbait bortxa, grina, irrika eta borroka Larruaren dardarizoetan agertzen bait dira giza sentimendu ezkutuenak, zoramenaren obsesioak, eta zuri ere larrua dar-dar ipin diezazukete ipuin hauetako batzuek, kilikaz ala ikaraz.