Gaua zulatzen duten ahausietan / Omar Nabarro

Eskuartean duzun "Gaua zulatzen duten ahausietan" hau Omar Nabarroren (Edorta Jimenez) laugarren liburua duzu. Lehenago "Itsas txorien bidinkapena", "Egutegi esperimentala" eta "Gizaeuropa" (J.A. Urizarrekin batera) ekarri zizkigun eskuartera. Oraingoan, "Gaua zulatzen duten ahausietan" bilduman poema desesperatu mordoxka bat dakarkigu, itsasoari deiadarka, lagunari karraxika, maitasunari aieneka, bakardadeari zalapartaka... Intentsidade handiz zurrupatzen du ingurua Omarrek, inguruak oro sapa ezean ihartu arte. Hemen bueltan daukazu denon apurra hartu, amasatu, moldatu eta bere labe bakanetik ateratzen digun opil gazigozoa. Liburu honek 1985an Azkue poesia saria lortu zuen.