Eskuak / [programa eta textuak, Ollé-tar M. Angels-enak ; Oyarzabal-tar Ikernek euskeratua]

Eskola-liburu bilduma honen helburua hau da: umeak bere eguneroko bizitzan ikusten, entzuten, ukitzen eta ikasten dituen gaiak ipuinetan jartzea. Haurrek honela gorputz-zentzuen ariketak eginez, neurriak, erak, astiak, tokiak eta abar bereganatuko ditu. Ariketa hauen bidez haurtxo txikiak gerorako behar dituen oinarrizko gaiak ikastea nahi du liburu-bilduma honek. Umea hazitzen eta handitzen doan neurrian, bere hizkuntza ere goraka doa, eta gora-bide hau bere pentsakizunen parean doa. Umearen hizkuntza gauzen izen eta izen-lagunekin, baita ere gauza bakoitza "non" dagoen, eta "noiz" gertatu zen konturatzearekin, aberasten da. Gauza hauek orain arte handien eskoletan ikasi izan dira. Guk ez genuke nahi honelako eskolarik baztertzerik, baizik hauei laguntza ematea. Haurrek azalpen luzeekin baino, beraiek egindako lanekin gehiago ikasten dutela uste dugu, gaiak egokiak badira, behintzat. Baina, alaz ere, liburu-bilduma honek, umeak honelako ariketa egitean, behar dituzten hitzak ikasteko, irakasleei lagunduko diela, uste dugu. Haurren eskuek kristaletan edo oraintsu margotutako hormetan utzitako aztarnak, haurren luze-laburren txikitasuna erakusten dute. Guk ere, handiak garenok, edozein tokitan gure aztarnak uzten ditugu. Haurrek gizon eta emakume hadien antzeko izatearen ametsa dute. Horregatik, guk, handien eta txiken aztarnaz baliaturik, historia hau asmatu dugu, haurrak luzetasunaz eta laburtasunaz, jabetu daitezen.