Orreaga 778-824 : [Bideoa] : La chanson de Roland / errealizazioa, Luis Gurrutxaga,; historialariak, Antton Curutcharry, Luis Mª Martínez Garate; Beñi Agirre; gidoia Angel Rekalde; produkzioa, Nabarralde

Esaten dutenez, Karlomagnok Orreagatik eraman zuen bere armada eta Astobizkar inguruetan segada bat jasan zuen atzeguardiak. Frantziako hamabi pareek borrokan galdu zuten bizia. Erroldan handiak, Bretainiako prefektuak, Durandarte bere ezpata haitzen kontra hautsi egin zuen, ohorea ez errenditzeagatik. Nortzuk eraso zuten Orreagan?. Zenbat gudaldi izan ziren?. La chanson de Roland gesta-kantan frankoen erara moldatu zuten historia. Baina Orreagan, baskoiek behin eta berriro garaitu zuten garaiko inperio indartsuena. 824an izan zen azkena. Orreaga da independentziaren oinarria, Iruñeko erresumaren jatorria, gure epopeia baten kanta.