Heriotza Nilo ibaian / Agatha Christie ; itzulpena, Xabier Aristegieta Okiñena

Neska eder eta aberatsa da Linnet Ridgeway, eta ohituta dago nahi duen guztia lortzera. Senarra bilatzean ere, ez du zalantzarik izan bere lagun Jacquelineri mutil-laguna, Simon, kentzeko. Linnet arrakastatsuak ez dakiena da berak uste baino lehenago aurkitu behar duela bere bizitzako oztoporik handiena... heriotza. Hercule Poirot detektibea Egiptoko tenplu eta paisaia liluragarriak ikustera joana da, eta bapore-ontzi batean zenbait eguneko txangoa egiten ari da Nilo ibaian zehar. Ontzi horretan bidaide suertatu zaizkio, besteak beste, Linnet eta Simon ezkonberriak, eztei-bidaian Egiptoko altxorrak ezagutzera etorriak haiek ere. Baina goiz batean Linnet bere logelan tiro batez erailda aurkitu dute. Horrela, bada, Poirotek, oporraldi patxadatsu batez gozatu beharrean, bere trebezia eta irudimen guztia erabili beharko du hiltzailea nor den asmatzeko. Eta lehenbailehen. Izan ere, hiltzailea ez da heriotza batekin ase geratu...