Galtzagorriei to, Inaxito! [DVD bideoa] / Trikuharri taldea

2003an sortu zen Trikuharri taldea bertsoa haurrengana hurbiltzeko asmoz. Bertsoa eta antzerkia uztartuz hiru antzerki lan sortu ditu ibilbidean: Inaxitoren ametsak; 1,2,3... Inaxito!; Galtzagorriei to, Inaxito!. DVD honetan duzu gure historiaren ibilbide txikia eta hirugarren lanaren emaitza. Ahozkotasuna oinarri duen antzezlan honetan hainbat gai jorratzen dira: euskal mitologia, heriotza eta edertasuna, besteak beste. Inaxitoren laguntzarekin Euskal Herriko mitologia ezagutzeko aukera eta bertsoaren bitartez jolasteko aukera eman nahi dizugu. Bakarrik, lagunekin, familiarekin, zuk nahi duzunarekin ikusiz eta entzunez goza dezazun.