DBHko ikasleen euskararekiko jarrera linguistikoak, motibazioa eta errendimendu akademikoa [Interneteko baliabidea] / egilea, Ruiz de Azua Ormaza, Urtzi; zuzendariak, Xabier Etxaniz Erle, Arantzazu Rodriguez Fernandez

Hainbat urtetan euskara irakasle aritu ondoren, bai euskaltegian hasiera batean, bai DBH zein batxilergo institutuetan geroago, asko dira hezitzaile bati burutik pasatzen zaizkion dudak; batez ere, askotan ikasleek adierazitako galderei erantzun ezinak sortutako dudak. Ikasleei konpetentzia edo gaitasunetan oinarritutako heziketaren gaineko azalpenak emateko orduan DBHko koordinatzaileak beraien etorkizunerako egunerokoan hobeto moldatzeko heziketa sistema berria zelako azalpena eman zien eta orduan ikasleren batek euskara ikastearen beharra zalantzan jarri zuen bere inguru edo hirian ez baitzen ia euskararik erabiltzen eta ondorioz ez zuen etorkizuneko egunerokoan hobeto moldatzeko euskararen beharrik. Ikasleak proposatutako duda honek eta karrera bukatu izan nuenetik neukan aztertze nahiak eraman ninduten ikasleen euskararekiko jarrera linguistiko eta motibazio akademikoa aztertzera. Geroztik, gogorrak izan dira igarotako urteak. Tesia bertan behera uzteko puntura arteko une gogorrak. Marko teorikoari dagokionez, gustura egin daitekeen lana dela esango nuke; irakurtzea, idazle batetik bestera joatea, artikuluz artikulu ibiltzea eta azken batean egun osoa liburutegian sartuta gustuko baldin baduzu. Atal enpirikoari dagokionez ordea, ezin dut gauza bera esan, ez analisi estatistikoei dagokienez behintzat. Horretarako burutu beharreko ikastaroak gogorregiak egin zitzaizkidan eta. Hala ere, emaitzak lortu ondoren eta gauzak uste bezala edo hobeto ateratzen zirela ikusteak zein...

Deskribapen osoa