Beti bertsoa buruan [Interneteko baliabidea] / Jose Insausti

Jose Insausti Urbizu bertsolaria 1935 - XI - 8-an jaio zan, Goierriko biotzean, Segurako errian, Aizkoeta baserrian; bertan egin ditu aurtzaroa, gazte-denbora, gizon ezkonduaren eta gurasoaren bizitza, eta aiton-garaia orain eldu zaio. Bertsolari estimatua da Gipuzkoa osoan, eta Goierri aldean batez ere. XX mendearen bigarren erdian, bertsolari-mordo bikaiña sortu zan lurralde ortan, oietako bat bera izanik. Eztarriak laguntzen ez eta ez da plazaz plaza gelditu gabe ibili diran oietakoa. Baiña txapelketetan, lagunarteetan eta irratian ere sarritan kantatu duanez, bat-bateko bertsolaritzat artzen da. Liburu ontan, berriz, bertso-jartzaille bezela agertzen zaigu, milla bertso baiño geiagoko uztarekin. Ogei bat urterekin asi zan, eta azken sailla jaio berriak dituan billobei jarri die. Prosaz ere orrialde asko ditu, bertsolari ez-ezik, prosalari ere badala, eta ez nolanaikoa, erakusten digutenak. Eta ori dana, bertsoa eta prosa, Goierriko euskera jatorrez mamitua.