Arriskuaren gizartea [Interneteko baliabidea] : modernitatearen krisia, teoria, gizartea eta politika Euskadin / Andoni Eizagirre Eizagirre

1989an Berlingo Harresiaren erorketak eta gaur guztion ahoan dabilen globalizazioak zeharo aldatu dute errealitatea. Horren lekukotza eman nahi da, komunikabideetan pil-pilean dauden gaiak ulertzeko giltzarriak izan ditzagun. Eskaintza berri bat proposatzen da liburuan, errealitatea ulertzeko modu berri bat. Ingurumena, fenomeno sozial berriak, familiaren berregituratzea eta demokrazien erronkak aipatuko dira besteren artean. Ekarpen bikoitz bat egin nahi izan da liburuarekin: nazioartean sortzen ari diren gogoeta berrienen ezagutza ematea, beti atzetik ibili ordez, gu ere partaide izan gaitezen; betiere euskaldunoi begira, euskaldunon gatazka erreal eta posibleetara aplikatzen ahaleginduz.