Hondartzarik onenak, zabalenak [Naturaren zientziak - DBH 1] [Interneteko baliabidea - Eduki digital didaktikoa] / Ikastolen Elkartea

Helburu nagusiak: Ikasleek gure inguruko mareen taula bat edukita (hilabete osokoa), beste edozein hilabetetarako marearen aurreikuspena egingo dute. Horretarako, mareak Ilargiaren menpe daudela jakin beharko dute. Mareak nola dabiltzan jakinda, erabaki bat hartu beharko du ikasleak, eta, ondoren, gelakideen aurrean defendatu beharko du erabakia. Haren defentsa egiteko, alde batetik, txosten bat idatzi beharko du, eta, bestetik, 4-5 diapositiba izango dituen aurkezpen bat prestatu beharko du, aurreko txostenean oinarrituta. ZERTARAKO: Sekuentziaren helburu nagusia da Lurraren eta Ilargiaren mugimenduak ezagutzea, eta mugimenduen ondorioetako batzuk ulertzea. Hortaz, lan zientifikoa egiteko eman beharreko pausoak ezagutzeko aukera dute; hau da, gertaerak zientifikoki defendatzeko modurik egokiena neurketak egitea dela.