Haur-nutrizioa osasunean eta gaixotasunean / [egilea] Idoia Labayen Goñi ; [zuzenketak, Elhuyar Hizkuntza Zerbitzuak]

Haurtzaroko elikaduraren helburu nagusia hazkunde eta garapen hobezinak ziurta¬tzen duten energia- eta nutriente-beharrak asetzea da. Umearen dietak eskuratzen dituen nutrienteak makromolekulen sintesian eta ehunen eraketan erabiliko dira eta, horrela, hazkundea laguntzen duten aldaketa morfologikoak eta garapenekoak gertatzen dira. Hazkundea nerabezaroa arte luzatzen den etengabeko prozesu ebolutiboa da, baina haren abiadura aldakorra da denboran zehar. Aldi ezberdin horietan nutrizio-eskakizunak eta beharrak aldakorrak dira. Haurtzaroan eta nerabezaroan ohitura dietetikoak eta jarduera fisikoaren inguruko ohiturak ezartzen direnez, elikadura egokiaren eragin onuragarriak osasunean epe motzera eta epe luzera lortzen dira. Helduaroan pairatzen diren gaixotasun kroniko askoren jatorria bizitzaren lehenengo urratsetan aurkitzen da. Dieta desorekatuek, batik bat azukre sinple edo gantz ase gehiegi ekartzen dituztenek, hipertentsioa, diabetesa edo gaixotasun kardiobaskularra pairatzeko arriskua handitzen dute. Laburbilduz, haurtzaroan elikadura egokia izateak, ikuspegi kuantitatibo batetik (nutriente-kopurua), nahiz kualitatibo batetik (nutriente-mota), osasuna mantentzen eta sustatzen laguntzen du.