Arraioak! / J. M. Olaizola "Txiliku" ; marrazkilaria, Jose Angel Lopetegi

Euskal mitologiak baditu ezagutzea merezi duten pertsonaia eta kondaira ugari. Nerea eta Julen, bederatzi eta zazpi urteko anaia-arrebak, dira kontakizun hauen gidari. Ordenagailua piztu eta itzaltzearekin batera, nahastuko dira errealitatea eta fikzioa ipuin hauetan. Beldurrezko hainbat istorio jasota daude liburu honetan: bi anaia ehiztarik Tartalorekin topo egin zutenean gertatutakoa, edota, burkoan ezkutatuta, amesgaiztoak eragiten dituen Gaizkiñerena eta katu itxura hartzen duten sorginen kondairak. Gainera, iratxoak ezagutu eta iturrietan bizi diren galtxagorriak nola eskuratu ikasiko dugu.