Nerabeak erresilientzian hezten [Interneteko baliabidea - Webgunea] / [sortze-lana, Eider Zuriarrain Bergara, Miren Camison ; aholkularitza, Miren Camison ; testuen zuzenketa, Elegin ; web orria, Tapuntu ; web orrirako argazkiak, Idoia Telleria]

Honako web-orri honetan hezkuntzako DBHko 3. ikasmailako Pentsamendu autonomoaren eta kritikoaren garapena ikasgairako materiala biltzen da. Ikasgai berria izanik, irakasleek ikasgelan lantzeko materiala prestatu eta egokitu beharra dute. Hala, gaur egun ikasgai hori lantzeko material gabezia nabaria da, zer esanik ez euskarazko ikasmaterialei dagokienez. Irakasleen lana apur bat errazte aldera, webgune honek irakasleentzako euskarazko ikasmateriala eskuragarri jartzea du helburu. Egun, nerabeen artean gero eta osasun mental arazo gehiago daudela antzematen da. Derrigorrezko Bigarren Hezkuntzan gai honi heldu beharko litzaioke. Arazo hori landu ahal izateko, hau da, nerabeen artean erresilientzia lantzeko, lagungarria da material hau, ikasgelan irakasle orok euskarri gisa baliatzeko. Materiala, beraz, irakasleei bideraturik dago.