Zu irakasle! [DBHko 4. maila] [Heziketa Fisikoa] [Interneteko baliabidea] / Zigor Iriondo Yarza

Eskolaz kanpoko jarduera ugari gaztelaniaz edo gaztelaniaren eraginpean garatzen dira. Proiektu honek hizkuntza-ohiturak euskaraz janzteko ahalegina egin nahi du. Prozesua ondorengoa da: Ikasleek beraien hurbileko kirol-aisialdiarekin lotutako hizkuntza-ohiturak diagnostikatuko dituzte. Diagnostikoan oinarrituta, klub edo aisialdi talde bakoitzean euskarara ekar daitezkeen 5 hitz eta 5 esaldi gako aukeratuko dituzte. Hitz eta esaldi gako hauek euskaratuko dira, beti ere komunikaziorako egokiak diren hitz eta esaldiak lehenetsiz. Euskarara ekarritako hitz eta esaldi gako horiek eskolaz kanpoko klub eta taldeei eskainiko zaizkie. Azkenik, entrenamendu edo partidetan hizkuntza-ohiturak aldatu diren ala ez aztertuko da behaketaren bidez. Material hau IRALEren R900 (euskarazko ahozko komunikazioa irakaskuntza-jardunean) ikastaroaren bidez sortu da.