Hezkuntza-eremuan adimen artifizialak erabiltzeko gida [Interneteko baliabidea] / [egileak, Hezkuntza Saila eta Elhuyar ; erakunde kolaboratzaileak, Berritzegune Nagusia eta TKnika ; irakasle kolaboratzaileak, Aitor Etxebarria... et al.]

Gida honek xede bikoitza du: teknologia horien inguruan hausnartzeko lagungarri izatea, eta, hezkuntzaren esparruan AAk erabiltzeko orientabide argiak eskaintzea. Eskuetan duzun gida hau hezkuntzaren etapa eta arlo guztietako irakasleei zuzenduta dago, haien jardunean lagungarri izateko. AAren erabilera arduratsua eta etikoa proposatu nahi da, oinarri pedagogiko sendoetan errotua. Ikasleen erabilerari dagokionez, ezinbestekoa da hezkuntza-etaparen araberako jarraibide egokiak ezartzea, kontuan izanik ikasle askok dagoeneko txatbotak erabiltzen dituztela, sarritan modu ezkutuan bada ere. Horrek erronka eta aukera berriak planteatzen ditu: nola saihestu erabilera desegokiak; zer dio legeak; eta, erabiltzea erabakitzen bada, nola atera probetxua, arduraz eta etikaz erabiliz.