Natura Zientziak, Fisika eta Kimika : DBH 1-2, 1. zikloa (ikas-egoera) / [egilea] Lauaxeta lantaldea, Carlos García Llorente, Luis Carlos Zaballos Ruiz, Puri Martinez Aretxabaleta, Paz Herrero Ocampo ; [ilustrazioak, Iván Landa]

Natura Zientziak "Fisika-Kimika" jakintzagaiari dagokion ikaslearen liburua da eta indarrean den curriculumean zehazturiko DBH 1-2ko zientzietako jakintzagaiei dagozkien lan-materialak lantzea da proiektu honen asmoa. Euskara egokia eta zuzena erabiltzeaz gainera, oinarrizko gaitasunak (zeharkakoak zein disziplina barrukoak) garatzeko baliagarriak diren materialak sortzea da lanaren xede nagusia.Ikasgelan lan egiteko proposamen zehatza dakar proiektuak, eta funtsezko konpetentziak eta konpentzia espezifikoak da ikasmaterialaren xedea; hori dela-eta, ikasleen jarduera aktiboa eta kooperatiboa da nagusi, eta ikaspena erraztea (laguntzea) egokitzen zaio irakasleari. Ikasegoera gaiaren hasieran aurkezten da, eta dagokion ebazpena gaiaren bukaeran kokatuta dago. Gaiaren ardatz nagusia da. Konpetentziak hainbat alorretan aplika daitezke eta era askotakoak dira (hainbat testuingurutan balia ditzakegu); gainera, izaera integratzailea dute kontzeptuzko, prozedurazko eta jarrerazko edukiak biltzen baitituzte. Horrenbestez, konpetentziek beren baitan hartzen dituzte trebetasun praktikoak, ezagutzak, motibazioa, balio etikoak, jarrerak, emozioak eta gizartearen arloko elementuak zein portaerari dagozkionak, eta pertsonek batera erabiltzen dituzte horiek guztiak, lanak modu eraginkorrean egiteko.