Azken dantza maisua [Bideoa] / zuzendaria, Mikel Alvarez Sarriegi

Mikel Alvarez Sarriegik zuzendutako Azken dantza maisua dokumentalak Beasaingo Xabier Sarriegi Paxatxo dantza-maisuaren figura du abiapuntuan, dantza, transmisioa, tradizioa, herria, generoa eta beste hainbat gairen inguruan gogoeta egiteko. 2022ko ekainean estreinatu zen dokumentala. Molde zaharreko azken dantza maisua zen Paxatxo, hainbat belaunaldiz transmititu den dantza-irakaskuntza ereduaren azken katebegia izan baita. Bere heriotzak gogor astindu zuen Beasain, eta azken urteetan garai berrietara egokitutako ohiturak, lehen aldiz, etorkizunera begira jarri ditu kezkaz. Ba al da tradiziorik dantza maisurik gabe? Eta, azkena izango ote da?