Emozioetan bidelagun [Interneteko baliabidea] : Haurrei emozioak kudeatzen laguntzeko baliabideak / Maider Otegi Prieto

Emozioak egunerokoan gurekin baditugu ere, maiz zaila egiten zaigu hauek adierazteko tokia eta momentua topatzea: zenbaitetan deserosoa egiten zaigulako, momentu egokiena ez dela iruditzen zaigulako, egoera bat lehenbailehen ebazteko beharra dugulako edota besterik gabe lasaitasuna eta bakea behar dugulako. Kontua da emozio horiek guztiek badutela oinarrian arrazoi bat, badago emozio horiek sentitzeko zergati bat, pertsona horren beharrekin lotura zuzena duena. Emozio horiek guztiak ulertzea, adierazteko aukerak bermatzea eta emozio horiek kudeatzeko baliabideak eskaintzea da lan honen asmoa. Nagusiki hezkuntzako profesionalei zuzenduta badago ere, nork bere buruarekin edota ingurukoekin praktikan jartzeko moduko informazioa eskaintzen du.