Abestuz ikasi, ikasiz abestu [Haur Hezkuntza] [Interneteko baliabidea - Webgunea] / [testuak, koordinazioa, diseinua, programazioa, abestien bilketa, datuen bilaketa, azterketa eta sarrera, Arantzazu Altube Basterretxea, Mari Karmen Garrido Regidor]

Haurrentzako euskal abestien katalogo bat sortu dugu Haur Hezkuntzako umeekin kontaktua dugun denon eskura jartzeko. Jasotako kanta guztiak ikasgelan erabil daitezkeen gaiekin lotu ditugu (Haur Hezkuntzako curriculum berriari jarraiki), hezitzaileen irakaskuntza prozesuen plangintzan lagungarri izan daitezen. Modu honetara, irakasle, hezitzaile zein gurasoen arte an elkarreragina sortzea bilatzen da, ezagutza partekatuz eta belaunaldien arteko transmisioari lagunduz. Abesti bakoitzeko gaiaz gain informazio gehigarria topatuko dugu bertan, alegia, azpigaia, hitz gakoa, autorea/abeslaria, diskoaren izenburua, bilduma, urtea, iraupena, multimedia aukerak, letra eta hainbatetan, kantaren inguruko oharra bere egokitasunaren inguruan. Izan ere, abesti guztiek ez dute transmititzen gizarte hobe bat eraikitzeko balio egokirik. Hauek bistaratu nahi izan ditugu, hezitzaileak abesti hauen erabilera egokia egin dezaten ohartaraziz. Benetan uste dugu tresna hau baliagarria izango dela hezitzaileentzat eta aukera ederra curriculuma aberasteko eta euskal dimentsioa lantzeko.