Ekinbira [Interneteko baliabidea - Webgunea] / Cristina Loureiro eta Xare Esnal

Eskuartean dugun materialak Lanbide Heziketako "Enpresa eta ekimen sortzailea" moduluko edukiak ditu. Zeharkako modulua denez, Lanbide Heziketako ziklo guztietan lantzen da. Horretaz gain, Derrigorrezko Bigarren Hezkuntzan ere erabilgarri gerta daiteke bai Ekintzailetza eta Enpresa Jardueren Hastapenak ikasgaian, bai Ekonomia arloan. Arlo honi buruzko material gutxi dago euskaraz, eta hutsune hori betetzera dator lan hau. Antonio Guiraok gaztelaniaz sortu duen materiala da gure abiapuntua: hark argitaratutako 11 unitate euskaratu ditugu eta gure testuingurura egokitu. Unitate bakoitzak diapositiba-aurkezpen bat du, eta atal bakoitzari dagokion ahozko azalpena gehitu diogu aurkezpen horri. Alegia, tutoretza-bideo formatua dute unitateek. Gainera, tutoretza-bideo horiek guztiak webgune batean jaso ditugu ikasle nahiz irakasleek lana modu argian eta egituratuan izan dezaten.