HEOetako Euskara B2.2 [Interneteko baliabidea] : eskola erdipresentzialetarako sekuentzia didaktikoak / egilea, Jose Miguel Pujana Madariaga

Hizkuntza Eskola Ofizialetan, irakaskuntza-eredu erdipresentziala ezarri berri da. B.2.2 maila lortzeko ikastaroak hiru ardatz ditu: testugintza, gramatika eta gaiak. Sortutako lau sekuentzia didaktikoetan, hiru esparru horiek guztiak landu ditugu, eta, horretarako, lau gai hartu ditugu ardatz: 1. Natura 2. Osasuna eta elikadura 3. Merkataritza-jarduerak 4. Hizkuntza eta hezkuntza Lehen eta bigarren sekuentzietan, azalpen-testuen egitura eta baliabide gramatikalak landu ditugu. Hirugarren eta laugarren sekuentzietan, berriz, argudiozko testuenak. Testuok entzunezko zein idatzizkoak dira, eta horien aurretiko zein ondorengo lanketa egin dugu. Horiek guztiak baliatuta, ikasleak bere idazlanak egingo ditu edo azalpenak emango, ereduak kontuan hartuta. Horietaz gain, ikasleen ahozko azalpenetan zein idatzizkoetan aberasgarria izan daitekeen hiztegia landu dugu. Testuen gaineko lanketa interaktiboa izango da, nagusiki: eXelearning aplikazioa erabili da, materialok Moodleen erraz txertatzeko modukoak izan daitezen.