Ikus-entzunezko komunikazioa [Interneteko baliabidea] / [egileak, Joseba Zúñiga, Andoaingo Zine eta Bideo Eskola ; hitzaurrea, Iñaki Aizpuru (Andoaingo Zinema eta Bideo Eskolako zuzendaria) ; itzulpena, Enara Azkue ; zuzenketak, Elhuyar Hizkuntza zerbitzuak]

Ikus-entzunezko komunikazioa gure mendeko fenomenoa da, eta etengabe ari da hazten. Gure biziesperientzia masa-komunikabideek eta ikus-entzunezko espresioaren adierazpen guztien agerpen guztiek markatzen dute. Arrazoi garrantzitsu horiek direla-eta, mundu konplexu horri guztiari buruzko ikasgaia sartu da batxilergo berrietan. Andoaingo Zine eta Bideo Eskolak, bere prestakuntza-espirituari jarriki, bere egin du material didaktiko hau ikasgaiaren osagarri moduan eskaintzeko erronka. Ikasgaiaren nahiz esku artean duzun liburuaren helburua ikus-entzunezko komunikazioak osatzen duen gizarte-fenomeno ikaragarriaren oinarrizko ezagutzak ematea da, telebistari, zinemari, irratiari, multimediari, informazioaren teknologia berriei eta abarri dagokienez. Hau da, ikasleari fenomeno horren teknologia-, forma- eta gizarte-gakoen berri izateko oinarrizko ezagutzak ematea. Masa-komunikabideek, bereiziki ikus-entzunezkoek, errealitatea transmititzen eta irudikatzen dute, baina sortu ere egiten dute. Komunikabideen gizarte-eragina ikaragarria da. Horregatik jakin behar da nola gauzatzen den komunikazio hori, zer tresna erabiltzen dituen, zer funts teknikotan oinarritzen den eta zer gizarte-oihartzun duen. Liburuaren xedea ikaslearengan ikus-entzunezko unibertsoarekiko espiritu kritiko sanoa sortzea da, baita etengabe bilakatzen ari den mundu liluragarri horrekiko gustu profesionala sortzea ere.