Ezetz asmatu [Interneteko baliabidea - Eduki digital didaktikoa] / egileak, Aitziber Barrenetxea Goiria, Nati Martin Francisco, Matxalen Mejias Bikandi

Pasapalabra telebistako saioaren azken frogaren antzera, partehartzaileek alfabetoko hizkiez osatutako borobila aurkituko dute jolas honetan. Hitz baten definizioa entzun eta gero, erantzun zuzena bi argazkiren artean aukeratu beharko dute. Definizioaz gain, argazkiek irudikatzen dituzten hitzak ere entzun eta errepikatzeko aukera izango dute gure ikasleek. Horrela, giro goxoan jolasten duten bitartean, gaitasun semantikoa garatzeko eta hiztegia lantzeko aukera paregabea eskainiko digu jolas dibertigarri honek.