Globalizazioa eta ingurumena [Interneteko baliabidea] : euskal begirada bat / Iñaki Barcena Hinojal (koord.)

Dinamika ekonomikoak eta garapen teknologiak planetaren distantziak txikitu egin dituzte, eta dirua, mezuak, pertsonak eta merkantziak, azelerazio berri batez, mundu osoari bueltaka dabiltza. Horrek gure baitan eta gure eguneroko bizitzan baldintza berriak ezartzen dizkigu; horregatik, globalizazioa ez da fenomeno baketsua eta adostua, gatazkatsua baizik. Unibertsalismoaren bidetik munduaren arazoak konponduko direlakoan, batzuek kosmopolitismo berriaren aurrean jarrera positiboa agertzen dute, baina beste batzuek ozenki altxatzen dituzte ahots kritikoak, globalizazio ekonomiko neoliberalaren aurka. Tokian tokiko errealitateak eta nazioarteko dinamikak bananezinak izanik, globalizazioaren fenomenoari Euskal Herriko perspektiba lokaletik begirada bat jaurtitzea bururatu zitzaigun.