Guruyi : yogaren inguruan abentura bat

Jon Lorentek eta Maite Rosendek lau eskutara sortu dute ‘Guruyi’, euren lehen komikia. Haurrak yogaren munduan murgiltzeko liburu bat da, eta osagarri moduan yoga praktikatzeko jolas bat sortu dute karta sorta baten bidez. Sanskritoz, Indiako hizkuntza zaharrean, maisu esan nahi du guruyi hitzak. Ziur asko, lehen kolpean, yoga maisu bat imajinatzen dugunean, bizar zuri eta luzeko gizon tunikadun bat irudikatuko dugu, baina Jon Lorenteren eta Maite Rosenderen komikiko guruyia oso bestelakoa da. Haur talde berezi bat Himalaiako mendirik altuenera iristen da, bertan bizi den Gurury maisuaren eskutik yogaren sekretu sakonenak jasotzera. Guruyigana iristea eta honek irakatsitakoa barneratzea ez da erraza izango.