Euskaldunak eta itsasoa [Interneteko baliabidea - Webgunea] / irudi grafikoak eta ikus-entzunezkoak, Andrés Álvarez Espinosa ; ideia, koordinazioa eta testuak, Leire Mitxelena Erice, Pilar Pérez Píriz ; aholkulari pedagogikoa eta testuak, Idoia Urkiri Azkoitia ; webgunea eta diseinu grafikoa, Juan Mari Zurutuza Zapirain

"Euskaldunak eta itsasoa" webgunearen helburua da historian zehar, batez ere fokua Aro Modernoan jarriz, emakume eta gizon euskaldunek itsasoarekin izan duten harreman estuaren lehen hurbilketa egitea. Era praktiko batean garatzea ahalbidetuko duen erremintekin gaia ikasle, irakasle eta azken finean interesa izango lukeen edonori gerturatzea litzateke. Euskaldunek eta itsasoak bata bestearekin lotura izan dute arlo guztietan (historia, ekonomia, kultura, harremanak...). Euskaldunak betidanik egon dira itsasoari begira eta honek eragin zuzena eduki du euskaldunen historiaren bilakaeran. Beraz, webgune honen helburua da euskaldunek itsasoarekin edukitako harremana ezagutzea eta ulertzea, baina baita horiek ekarri dizkiguten lorpen eta hobekuntzez ohartzea ere.