Ikusgela [Interneteko baliabidea - Bideoa] : Kant ulertzeko gakoak / proiektuaren koordinazioa, Euskal Wikilarien Kultura Elkartea ; ikus-entzunezkoen arduraduna, Hiru Damatxo ekoiztetxea ; eduki arduradunak, Irene Lafuente eta Alba Garmendia ; gidoia, Lander Arretxea ; edizioa, Elba Berganza ; off ahotsa, Klara Badiola

“Sapere aude”, ausart zaitez pentsatzera! Ilustrazioari lotuta dagoen Immanuel Kant filosofo prusiarrarena da esaldia. Haren arabera, gizakia autonomiak bereizten du: bere kabuz pentsatu eta erabakitzeko gaitasunak. Horretarako ordea, ausartu egin behar da gizakia. Wikilarien Kultura Elkarteak (EWKE) "Ikusgela" proiektua sortu eta abiatu du: euskarazko ikus-entzunezko pedagogiko libreen ataria izango da Ikusgela.eus, eta bertarako sortutako bideo pedagogikoak, euskaraz eta libreak, Wikipediaren parte ere bilakatuko dira. Sarean euskararen presentzia areagotzeko eta euskarazko Wikipedia osatzeko helburua du. Filosofia, ekonomia, historia, matematika eta beste hainbat arlori lotutako bideo pedagogikoak zabalduko ditu Ikusgela proiektuak, euskaraz eta modu askean partekatzeko. Jakintza "narratiba berrietara" egokitzea helburu, Euskal Wikilarien Kultura Elkarteak koordinatzen du proiektua eta Hiru Damatxo arduratzen da ikus-entzunezkoez. Ikasleei zuzendutako edukiak dira, baina baita jorratutako gaietan interesa duen orori zuzenduak ere. Eremu formaletatik harago, "eremu informalean euskarazko edukiak ikustera" ere ohitu nahi dute jendea. Lana burutzeko Agora Filosofia Elkartearen, EHUko Joxe Azurmendi Katedraren eta Bieuse - Bikoiztaile Euskaldunen Elkartearen laguntza izan dute.