Azala
Liburua Eskuragarri

Bi munduen artean : heziketa hipermodernoari kritika / Mitxelko Uranga

Liburu honek ez du paradigma jakin baten aldeko aldarririk egingo. Ez neutraltasun huts baten atzean ezkutatu nahi dudalako, bi munduen arteko mugan bizi naizelako baizik; hots, paradigma moderno edo tradizionala gustuko ez dudan moduan, berri edo postmodernoarekiko ere mesfidati agertzen naizelako. Horrenbestez, liburu honen helburu nagusia nagusitzen ari den paradigma berriari kritika egitea da, paradigma modernoa edo tradizionala jada aski kritikatua izan baita. Eta, kritika esaten dudanean, Hans Magnus Enzensberger-ek esaten zuena adierazi nahi dut. Haren hitzetan, kritikaren helburu nagusia ez da salaketa, hausnarketa baizik, hausnarketak ahalbidetzen baitu errealitatearen gaineko bigarren ikuspegi bat, begirada askoz zorrotz eta argiagoa. Ezinbestekoa zaigu bigarren begirada zorrotz hori, lehenengoak aurreiritzietan gotortzera zuzentzen baikaitu; hots, bigarren begiradak natural eta normaltzat dugun hori besterik gabe onartzea ukatzera bultzatzen gaitu. Horixe bera nahi du izan, beraz, liburu honek: (nire) bigarren begirada zorrotz bat.

Zerrenda:
Egile nagusia: Uranga, Mitxelko
Argitaratua: Iruñea : Pamiela, 2021
Edizioa: 1. ed.
Bilduma: Saio eta testigantza (Pamiela) ; 247
Generoa / Forma Monografiak
Loturak: Argitaletxearen webgunea