Zientzialari (Ainara Badiola) [Interneteko baliabidea - Bideoa] : fosilak aztertuz iraganeko biosferaren berri izan dezakegu / Kultura Zientifikoko Katedra (EHU)

"Zientzialari" izeneko atal honen bitartez UPV/EHUko Kultura Zientifikoko Katedrak zientziaren oinarrizko kontzeptuak azaldu nahi ditu euskal ikertzaileen laguntzarekin. Bideo honetan: Kretazeo eta paleozeno garaien arteko mugan dinosauroen desagerpena eman zen. Iraungitze horrek beste animalia mota batzuen bilakaera eta zabalkundea ekarri zuen Eozeno garaian, batez ere ugaztunenak.Baina, nola jakin genezake zer gertatu zen Lurrean duela 66 milioi urte? Besteak beste, paleontologia bezalako zientziei esker. Ikerketa arlo honek arroketan aurkitzen diren izaki bizidunen arrasto fosilak aztertu eta interpretatzen ditu, iraganeko biosferaren informazioa lortzeko helburuarekin.Geodibertsitatearen elementu horiek ikertzen ditu UPV/EHUko Zientzia eta Teknologia Fakultatean paleontologiako irakasle den Ainara Badiolak. Izan ere, Pirinio mendebaldeko fosilen erregistroaren lanketan parte hartu du oraintsu. Berarekin elkartu gara paleontologiak dituen aplikazio eta etorkizuneko erronkei buruz hitz egiteko.