XX. mendea Gabriel Aresti [Interneteko baliabidea - Bideoa] : Harri eta Herri 2. partea (Egia bat esateagatik) / [gidoia eta aurkezpena, Fran Urteaga ; errezitadoreak, Gorka Romano, Soraya Leorza ; ikasleak, Maddalen Mendia, Izar Mendia, Garbiñe Ortega, Hugo Elena, Josu Encina ; teknikariak, Jose Luis Serrano, Jose Fran Urteaga]

"Poesiari begira " bideo bildumaren bitartez DBHko ikasleak literaturaren mundura, eta bereziki poesiarenera, hurbildu eta poemetan gordetzen denaz jakin-mina zirikatzea nahi izan dugu. Badakigu poema hitza aipatzen soilaz gazte askok atzera egiten duela. Batzuentzat barregarriak dira eta beste batzuentzat burutsuen kontuak. Nola erakarri, beraz, gaztea poesiaren mundu misteriotsu, zabal eta sonaz ahul dabilen honetara? Bideo honetan Gabriel Aresti poeta landuko da, eta, kapituluak, oro har, hiru atal nagusitan banaturik daude: a) Sarreran aurkezleak poetaz eta bere obraz zertzeladak emango ditu modu labur eta ulergarrian. Sarrera entzun ondoren, irakasleak bideoa geldi dezake eta, zalantzak argitu ostean, poetaz eta bere garaiaz datu gehiago eman. Poetaren garaian berri zabalagoa izateko Gizarte Zientziak eta Historia gaia ematen duen irakaslearekin harremanetan jar gaitezke. b) Errezitaldia dugu ondoren. Atal hau gogor samarra gerta dakieke errezitaldirik sekula entzun ez duten ikasleei c) Ikuspuntuan deitu dugun atalean gure ikasleak bezalako beste ikasle batzuek entzun berri duten poemari buruzko beren iritzi pertsonala ematen dute.