Higidura ikertzen [Interneteko baliabidea - Webgunea - Erronka] / egileak, Elvira Gonzalez Aguado [Berritzegune Nagusia], Pilar Etxebarria Rotaetxe [Leioako Berritzegunea]

DBHko 2. mailako Fisika eta Kimika arloko curriculuma lantzeko bosgarren proposamen didaktikoa da "Higidura ikertzen". Serie honen aurreko HBIak bezala, hau ez da ohiko unitate didaktiko edo proiektu bat, sekuentzia didaktikoak askotariko arazo-egoerak biltzen ditu, erronka txiki gisa aurkeztuta, zenbait saiotan lantzeko. Erronka bakoitza ikerketa-jarduera gidatu batzuk erabilita ebazten da, ekoizpen bati zuzenduak. HBI honetan, indarren inguruko edukiak landuko ditugu. Ondorengo HBIn lantzen da zer erlazio dagoen indarraren eta mugimenduaren artean. Badakigu nola funtzionatzen duen higidurak? Higiduraren funtzionamendua ulertzea izan da zientziaren lorpen handienetako bat, eta Sir Isaac Newton ingeles fisikari bikainari zor diogu. Hain egoki zehaztu zituen higiduraren legeak, ezen gaur egun, eta 300 urtera, bere idatziak zientzialariek egoera gehienetan erabiltzen baitituzte oraindik. Newtonek oinarrizko ideia bat erakutsi zigun: higidura indarrek eragiten dute. Indarrek, hala ere, ez dituzte beti objektuak higiarazten. Gainera, «higidura-indar» batzuk, berez, zerbait mugitzen den higiduraren norabide-aldaketak izaten dira, edo forma-aldaketak.