Izar-bitakoraren koadernoa

Sekuentzia didaktiko honek Oinarrizko Hezkuntzaren curriculuma zehaztu eta Euskal Autonomia Erkidegoan ezartzen duen abenduaren 22ko 236/2015 Dekretuaren DBHko 1. mailako curriculum-edukiak lantzen ditu (eduki komunak eta 2. blokea, "Lurra unibertsoan") (EHAA, 2016-01-15), Heziberri 2020 planaren barruan. Ikaskuntza gidatuko proiektu gisa antolatuta dago. Hautatutako gaia zientzia-fikziozko testuinguru batean kokatzen da, inplikazio pertsonala bultzatzen duena. Gure planeta ikertzen duten estralurtar pertsonaien rolean jarriz ikasleek egin behar dituzten zeregin edo misioen arabera planteatzen da.