Word 2016: eskuliburua [Interneteko baliabidea] / egilea, José Miguel Urquijo (Gasteizko Egibide ikastetxea); zuzenketak: IRALE-Gasteiz-EIMA

Microsoft Office 2016 Microsoftek 2015ean sortutako bulegotika-suitea da. Microsoft Word Microsoft Office bulegotika-suiteko testu-tratamendurako programa da. Richard Brodie-k sortu zuen Word 1983an, DOS sistema eragilea zuten IBM ordenagailuetarako. Ondoren, hainbat bertsio sortu zituzten, 1984an Macintosh-erako eta 1989an Microsoft Windows-erako. Gaur egun, Word da testu-tratamendurako programa hedatuena. Testu-prozesadorea testu-dokumentuak idazteko erabiltzen den programa informatikoa da. Ohiko idazketarekin alderatuz gero, abantaila hauek ditu: testuak idazteko aukera anitz (letra-tipoak, letratamainak, efektuak, paragrafoak, koskak, tarteak, lerroarteak, ertzak, itzala, estiloak...), idatzitakoa berrikusi ahal izatea (ortografia-zuzenketa, gramatika-zuzenketa, sinonimoak, itzulpen-aukerak...) eta idatzitakoa hobetzeko aukera (aurkibideak, iruzkinak, erreferentziak, goiburuak, orri-oinak, orrialdezenbakiak...). Funtzio horiez gain, testua editatzeko hainbat osagarri ditu testu-prozesadore horrek: askotariko orridiseinuak, ilustrazioak, taulak, estekak, posta-bidalketak, hainbat testu-formatu, kontrolak, ekuazioak eta abar