Euskal jolasak / Jaime Altuna Ramirez, Amaia Ganzarain Bartolome ; Urtxintxa Aisialdiko Eskola - Gipuzkoa

Urtxintxa Eskolak 2003ko neguan Euskal Jolasen Liburuxka argitaratu du. Argitalpen honen bidez, hizkuntzaren transmisioan eten den katenbegia osatzea da gure helburua: haurrei euskaraz jolas egiteko tresnak ematea alegia. Euskarazko jolasa erdi ezkutuan dagoen altxorra da. Horregatik, liburuxka honetan, jolas zaharrak eta jolas berriak lantzeaz gain, jolaserako espazioa eta denbora berreskuratzen lagundu eta jolasak sortzeko gaitasuna sustatu nahi dugu. Liburuxkak bi zati ditu, lehenengo zatian jolasaren inguruko hausnarketak eta kontzeptuak azaltzen dira eta bigarren zatian euskaraz jolasteko 57 jolas proposatzen dira.