%0 eBook %E Sancho Herrero, Susana %E Morillo, Fernando %I ; Gaumin %D 2019 %C Irun %T "Santiago bidearen misterioa" liburuaren irakurketa-gida dinamikoa. Ikaslearen liburua / egileak, Fernando Morillo Grande eta Susana Sancho Herrero %U https://eima.orex.es/Bideoak/2987a5f559be8cd21ee069c98f06618d_52302.pdf %U http://www.gaumin.com/irakurketa-gida-berezien-loturak/ %X Zer dakigu gure inguruko jendeaz, lagunez? Ezagutzen al ditugu, benetan ezagutu, gure hurbilekoak?Ezagutzen al ditugu, benetan ezagutu, maite gaituztenak, maite ditugunak? Asmatzen al dugu ezagutu berri dugun jendearen izaerari dagokionez, edo "liluratu" gaitu inoiz "lagunen" batek, eta hainbat "tranpatan" erori gara oharkabean?Badaude hasiera batean garden-itxura izaten duten lagunak, eta gero gaua bezain ilunak edo beldurra bezain aldrebesak direnak, otsoak ardi larruz, ardiak otso larruz... Edota lagun toxikoak, laguntzat hartzen zaituzten ezagunak, lagun bihurtu nahi dituzun ezagunak, ezagun soilik bihurtu nahiko zenituzkeen lagun-lagunak, laguntasunaz harago eramango zenituzkeen lagunak, behar dituzun sasi-lagunak, une batez soilik gozatu dituzun lagunak...Ez da erraza benetako lagunak izatea. Lagun bakarra izatea altxor hutsa da, hainbaten ustez. Hain da zaila, ordea, urrea eta lastoa bereiztea!Gehienetan, barrua nola, kanpoa hala. Ezinbestekoa dugu geure burua "lantzea" besteokin harreman sanoak izateko.Gida honetan laguntza izango duzu, gazte nahiz heldu, bakarti nahiz gizartekoi, laguntasunaren bide malkartsuetan mugitzeko. Oztopoak gainditzeko benetako gakoa zuk zeuk duzu eta. Gogoratu beste behin: barrua nola, kanpoa hala.Ezetz esaten ikastea, ezetzak onartzea, barrutik eta barrura zintzo begiratzea, zeure burua maitatzea... Hainbat gaitasun landuko ditugu interesgarri bezain baliagarri diren jarduera hauetan, zure bizitza altxorrez betetzeko eta altxorrik preziatuena, zu zeu, zaintzen ikasteko, eta horrela besteokin hobeto erlazionatzeko.